譚耀宗同鄔維庸，兩個都係安老事務委員會嘅主要成員，佢兩位亦都好識𠱁長者，稱呼時只會口甜舌滑咁叫「哥哥」、「姐姐」，唔會叫「公公」、「婆婆」。
佢哋噚日一齊出席港台嘅新節目「黃金歲月」首映禮，鄔維庸上台大講敬老心得：「千祈唔好將個節目標籤咗『老人』，否則唔鍾意見到個『老』字嘅長者，肯定會轉台！」落到台。
鄔老原本好地地同記者講燒國旗單新聞，忽然間卻好似小朋友扭計咁發晒牢騷，抱怨自己冇晒思想同言論自由，講乜都俾電台節目主持鬧。鄔老應該睇開啲，可能啲電台名嘴諗住趁二十三條未立法前鬧晒要鬧嘅嘢，一旦立法就要封嘴退休呢。
傳真︰2623-9278
電郵︰