財爺阿松個新聞秘書譚志源無情情俾人喺網上傳佢「愛上女主播」,剛好佢上個禮拜陪佢老細去咗加拿大,八方就算想求證都冇辦法。到噚日佢終於現身國慶酒會,八方梗係第一時間問佢究竟係咪情陷女主播?還是主角唔係女主播,係其他傳媒行家?
光頭源聽見八方一輪嘴咁問,係咁笑笑口不停話:「無聊!」他鄭重否認傳聞,叫大家咪亂講,佢重自嘲自己有個肥肚腩,邊有人要!八方立刻指住佢老細阿松,話佢同樣髮線後退,咪一樣搵到「國寶」,點知光頭源話佢老細都叫有頭髮,佢連頭髮都冇,點會有人鍾意!
大家掛住追問單緋聞,好似當喺酒會演講嘅主禮人冇到,真係冇乜禮貌。
傳真︰2623-9278
電郵︰