依小記愚見，幸福的小家庭最基本嘅條件係有爸爸、媽媽、仔仔，三口子樂也融融地生活，就好似小記以下所介紹嘅精品，名為HappyFamily，就以一家三口為賣點，卡通造型夠晒得意，而且親情洋溢，即使未婚的你亦能感受到家庭的歡樂氣氛。
記者：區佩嫦
攝影：陳偉強
喺屋企睇電視，當然要攬住咕𠱸先至舒服，呢套咕𠱸一人一個，雖然最大一個直徑都只不過6吋，但佢勝在手感極佳，攬上手舒舒服服，感覺唔錯，而且每人一個咁就唔怕爭崩頭。
售價：$128
要為家人的未來打算，當然要有周詳的儲錢計劃，還未決定用A理財計劃還是B的儲蓄計劃，不如買個錢罌先儲錢，然後才慢慢計劃吧！好似呢套錢罌用鐵製成，錢罌上繪有爸爸、媽媽、仔仔嘅過癮圖案，每個人物嘅錢罌尺寸都唔同，不過身為一家之主嘅爸爸當然要以身作則，用最大個儲多啲錢養家啦！
售價：$55一套
雖然話一家人無分你我，但飲水杯最好都係一人一個，HappyFamily的三隻水杯亦分別印上三個Character以資識辨，不過最搞鬼係每隻杯的尺寸不同，可能怕經常要訓話嘅爸爸口水會好快乾，所以隻杯最大隻，而仔仔隻杯就最細！
售價：$88一套
咪溝仔（95880684）
尖沙嘴百利中心2樓76號舖