平等機會委員會安排咗十一位嘉賓同一百名中學生見面，等佢哋知道每個人生出嚟唔一定要畀社會定型，人人都係平等。
噚日第一炮就分別安排咗兩組同學訪問失明的香港大學物理系教授馮漢源，同埋現時喺澳門擔任澳門國際音樂節藝術總監嘅莫華倫。
馮漢源教授嘅故事真係好值得人學習。噚日馮教授話畀班同學仔聽，佢飲好多杯咖啡，因為人哋用一個鐘頭做起嘅事，佢就要用兩至三倍時間完成，當年佢喺牛津搏命讀書，捱更抵夜，養成飲咖啡提神嘅習慣。
馮教授係牛津大學首名失明物理系學生，當年有十幾個熱心同學，輪流每星期朗讀課本錄喺錄音帶度畀佢聽，馮教授先至畢到業咋。有呢番成就，真喺多得班好同學。
（圖）馮教授（右）當年捱更抵夜讀書，養成今日飲咖啡的習慣。
傳真︰2623-9278
電郵︰