18歲的Ryan正在一間電腦學校讀廣告平面設計，佢原本想搵餐廳水吧侍應的兼職，賺錢交學費兼幫補生活費；但點知訪問見報後，就有一間書局話想請佢賣書兼設計廣告傳單。Ryan見工後，已火速於上星期五返工，人工重好滿意㖭。
Ryan話，其實有七至八間酒吧餐廳都聯絡過佢，但因書局喺學校附近，返工返學都好方便，加上佢對設計有興趣，設計廣告傳單啱晒佢，正好學以致用，所以就決定做呢間。
雖然Ryan並無賣書經驗，但佢以前做侍應，同樣是服務性行業，所以佢話好有信心做得到！
見報日期：9月21日
返工日期：9月27日
彭靖嵐曾經擔心已經36歲，好難搵工；但自從個案刊登後，佢𠵱家唔單止搵到一份工，重成功由繙譯員轉型做採購員。失業了近九個月的她，以前見過好多工都無下文，所以今次搵到工好開心：「報紙寫出嚟，真係好過自己千言萬語！」
彭靖嵐原本有十年的中英日文繙譯經驗，請佢嘅亦係一間日本玩具公司，雖然以前佢好少接觸玩具的日語專用名詞，但以佢嘅日文基礎，相信可以好快上手。面對新工作，佢好有信心。
見報日期：9月13日
返工日期：10月2日