莫禮時剛名正言順做教育學院新校長，就俾人攞嚟做宣傳，有人聲稱莫禮時喺法庭講大話，傳出呢個電郵嘅HughTyrwhitt-Drake話，欲知詳情，唔該睇佢本書喎。呢位仁兄係港大課程及教育系徐碧美三年前解僱嘅下屬，後來阿Hugh告徐碧美誹謗，件案審到一半，雙方庭外和解。
咁到底阿Hugh爆乜料？佢話莫禮時喺港大做嘢時，驚收佢傳票驚到走夾唔唞；莫禮時回應話單案根本唔關佢事。阿Hugh指莫禮時今年初上庭話自己有出席某會議，但會議紀錄話佢冇；莫禮時回應：當時佢話佢諗有，因為佢通常都有，而個會已經係兩年前嘅事，同單案冇乜關係？
傳真︰2623-9278
電郵︰