港區人大代表吳康民已經七十六歲，同江主席同齡，當大家重估緊十六大江主席會唔會退下火線時，吳校監睇嚟已下定決心，唔會再選第十屆港區人大。由七五年嘅第四屆開始，吳人大呢個港區人大嘅頭銜一孭就孭咗二十七年。佢話雖然好多人不斷叫佢再選，但佢話咗唔做就唔做，會真正退下來。
不過吳康民始終對人大有感情，十月十八號佢會喺港島香格里拉酒店，為自己本新書「人大選舉備忘錄」搞推廣活動。呢次已經係佢第三本有關人大嘅書，內容主要回顧吓第九屆人大點選，跟住講吓嚟緊第十屆嘅選舉辦法。
早前想參選人大嘅民主黨成員張炳良自爆，話有中方人士叫佢唔好參選，以免搞串個Party，吳康民話唔知邊個出聲勸退民主黨，唔關佢事咁話。
傳真︰2623-9278
電郵︰