黎明（Leon）昨午往灣仔會展出席國慶活動時，回應日前有報章指他蒲酒吧𠝹女，他說：「我覺得佢哋用『𠝹』呢個字眼，係香港文化水平下降，識女仔好正常，天下所有男仔邊個唔識女仔？又有邊個女仔唔畀男仔識？不過用個『𠝹』字就唔係太好，冇理由將愛同鍾意呢啲溫柔感覺用『𠝹』字嚟形容。」
Leon說：「總知報紙所寫嘅嘢，我黎明唔會做，嗰日我只係同公司同事休息飲嘢咁簡單，如果我識女仔，我唔怕認，不過我冇。」再問他若然識女仔會否公開？他說：「我覺得私人時間同朋友冇做錯嘢，去酒吧飲酒識女仔都冇乜大不了，基本生活方式，有我唔怕認。」 採訪：顏英儀
攝影：陳烱威