上個周末，亞Mark曾經披露過，話富豪代理為慶祝車廠75周年紀念，特意限量推出75部40系列，並以特價發售，旋即被聞風嘅車迷搶購一空；為免車迷向隅，代理重以多畀一萬嘅價錢，即16萬9千8加推發售，及至早兩日嘅星期一埋單點算，經已售出過百部名額嘅S40同V40新車㖭！咁又係嘅，Facelifted新版嘅40車系，賣相年輕化之餘，性能及設備亦見出眾，加埋富豪汽車向以安全設計有口碑，就算以唔到17萬嘅售價，亦較同級歐洲車及日本車都見有號召力；亞Mark聽聞代理好快會截止認購，若然你有興趣擁有部S40或V40新車的話，就真係要行快一步喇！