羅文（籮記）上周四（二十六日）秘密入住瑪麗醫院後，昨日出院。籮記前助手Terry昨早約九時到達醫院，他入病房前說：「放心啦，今日有好消息，總之日日都有好消息。」
約十一時，楊受成與英皇高層吳雨、霍紋希到達醫院，楊受成向記者查問籮記的病房後便離去。其後楊受成與容祖兒抵達籮記位於跑馬地的寓所，原來籮記於十一時左右已由醫院職員通道離開。
祖兒昨日為國慶文藝晚會拜神時說：「籮記瘦咗啲，但好堅強。佢叫我唔使擔心，不過佢唔可以食硬嘢呀。」昨日有消息指籮記病情告急，祖兒說：「小心處理啦，總之大家唔使擔心。佢係鐵人，永不放棄，我好佩服佢。」
另外，前晚張徹太太與籮記胞姊近十二時離開醫院，對於有消息指籮記今次入院是作第二次化療，張太說：「我唔知，上次我唔喺度，佢有少少痛，個肚有少少脹啦。」
鄧光榮及沈殿霞（肥肥）昨晚分別到籮記寓所探望，鄧光榮看來心情極差，一見記者舉機即怒氣沖沖，不准拍照。
採訪、攝影：馮美茵、娛樂突發組