本周五是伊健的三十五歲生日，昨日他在黃埔海逸酒店與二百多名來自不同國家的fans預祝生日。鄭伊健的母親及幾位親戚亦有到場，而伊健更被四位新加坡歌迷搞到喊足三分鐘，原來四位歌迷自彈自唱演繹《我的歌》，並表示已很久沒聽過伊健唱歌，令近年歌唱事業停滯不前的鄭伊健一時感觸落淚。
對於有雜誌指其女友梁詠琪意外懷孕，鄭伊健笑說：「好心啦，我唔想幫人做宣傳，等佢出下期先講，佢哋先真係意外俾人告。」至於問到是否會做足安全措施以防意外懷孕，鄭伊健尷尬地說：「唔回應即係等於回應，我好保守同怕羞㗎，所以唔講呢啲嘢，或者留番我第時出書先講呢啲私隱嘢啦。」
採訪、攝影：駱華齡