上星期天風和日麗，一瞓醒便和好友CK飛奔到源禾路打街波；適逢港隊和科威特爭出線，結果香港贏波躋身八強，表現最出色的正是首位進軍CBA的港將潘志豪。
對現實的香港人來說，要靠打波「搵飯食」可謂遙不可及，加上運動員生涯甚短，所以香港籃球一直停留在業餘水平；之前曾到台灣打波的翁金驊亦不諱言，放棄職業籃球而回歸香港打波全因要為「事業」着想。今次潘志豪進軍CBA，令本地有志籃球的小伙子明白到：打籃球都可以有前途。
CBA水準雖遠高於香港，但從世錦賽及亞運所見，中國「高佬」不匱，好的後衞卻不多；這對個子不高的港將無異天大喜訊，因為球技可以苦練，身材卻是天生。正如美國佬的口頭禪：「Youcanteachball,butyoucan'tteachtall.」
不過要打波「搵飯食」，還是先問問自己，能否如N年前Nike的Penny廣告中一樣：「Heshootsfivehundredtimesaday,justlikeyou?」
文：仙道彬
e-mail: