自從保安局局長葉劉淑儀用天地會去形容危害國家安全組織開始，份《基本法》二十三條諮詢文件好似已經變咗本武俠小說咁，到葉劉「頭馬」湯顯明出埋《鹿鼎記續集》，就真係「諮詢文件武俠化」！噚日輪到民主黨主席李柱銘出席有線電視《律師有約》講二十三條，唔知係咪見政府玩得咁「過癮」，馬丁都忽然文興大發，幫阿湯秘書長個《鹿鼎記續集》駁埋個尾：
馬丁講，話說韋小寶正如湯秘書長咁講，的確喺香港成立個「天地會」，收吓波纜咁，點知北京係都唔放過佢，整份證書畀保安局，證明「香港天地會」真係同陳近南個「天地會」有從屬關係，由於特區冇權挑戰中央證明，只可以照單全收，結果韋小寶個波纜「天地會」最後就咁俾保安局「摺埋」！
傳真︰2623-9278
電郵︰