每次「長毛」梁國雄或者民主派有乜「亂說亂動」，人大常委曾憲梓一定會義憤填胸地聲討呢班佢眼中「反中亂港」分子。
噚日「長毛」佢哋又喺國慶燒國旗，八方喺國慶酒會見到曾常委，梗係問佢使唔使嚴懲呢班頑劣分子，點知曾常委冇晒以前青根都見埋的激動表情，反而苦口婆心勸「長毛」唔好吓吓抗法：「法律要遵守嘛！若果大家話唔鍾意就抗法，咁香港法例要來做乜呢？」
佢重語重心長咁講：「大家香港人，對法律有唔同意見可以提，但唔可以用行動，大家中國人，唔好侮辱國旗嘛！」八方見曾常委講「長毛」竟然可以咁慈祥，真係幾乎俾佢嚇親！
（圖）可能俾喜慶氣氛感染，曾憲梓一反常態冇鬧「長毛」。
傳真︰2623-9278
電郵︰