噚日國慶日，八方入沙田馬會捧吓新領導夏佳理同許仕仁場，果然「正蝦王」又不負所望，取得國慶盃，雖然冇乜肉食，總算冇空手而回。
老許真係如願得償，當了董事後，又上台做頒獎嘉賓，取代任志剛嘅靚位，笑得特別甜。
日前一位C姓前高官閉門爆料，話老許雖然已正式辭去強積金嘅總監高職，但其實另有高就，佢老哥又唔肯講詳情，叫八方自己去搵老許問，搞到老許公關關太周身唔得掂，猛咁話冇料冇料。
另一個由心笑出嚟嘅係正蝦王馬主劉錫康，真係令一眾馬主羨慕。「快、靚、正」三隻蝦王令佢威到盡，劉馬主因為鍾意食蝦，三隻馬都叫蝦王，佢自己就做咗馬王。噚日呢兩位仁兄可算登上人生高峯，劉錫康係一個，另一個當然係老許。
（圖）許仕仁
傳真︰2623-9278
電郵︰