政府乾塘，阿松一聲令下，要各問責局長瘦身一點八個巴仙，十月尾交功課，八方同幾位高官傾開，佢哋都係有苦自己知。
一啲大部門，肥膏多、瓣數多，減少少冇大問題，但係一啲部門就冇乜選擇，只好向合約員工開刀，炒之大吉。但係咁做又同特首老董話一切要以增加就業機會相違背，真係左右做人難，以後幾年重要每年再減一個巴仙，你話日子點捱。
當然，在私人公司呢個唔係問題，老闆一聲令下，閒閒地減幾個巴仙，馬上完成，但係喺我哋偉大嘅公務員系統，就唔係呢回事。
今日大家快快樂樂過十一國慶，好快各局長就要向馬仔交功課，呢次睇吓馬仔點處理。
傳真︰2623-9278
電郵︰