噚日國慶，但財爺阿松冇喺香港陪國寶夫人歡度佳節，而係去咗加拿大訪問，據遠方線人報料，阿松噚日行程匆匆，連走幾場，重搞到「心情起伏」。
話說阿松噚日一早喺多倫多出席記者會，原本幾開心，點知啲老外唔畀面猛質香港嘅財政赤字，懷疑政府計錯數，激到阿松面燶燶，即刻將原本二十分鐘嘅記者會縮短到十五分鐘，草草答咗幾個問題就走人。
不過，阿松跟住去同一班加國香港留學生真情對話，就俾啲學生𠱁番，因為啲學生第一時間恭喜阿松就快做老竇，阿松欣然接受祝賀。
（圖）有個咁靚女嘅留學生喺身邊，阿松梗開心啦！
傳真︰2623-9278
電郵︰