自從北角敦煌酒樓結業後，啲愛國社團搞活動就少咗個地方，不過，喺旺角敦煌酒樓原址開設嘅金玉滿堂酒家，一班東主就希望可以學北角敦煌，爭取一班社團同政治客仔。
金玉滿堂嘅老細之一，就係代表飲食界嘅自由黨立法會議員張宇人。間酒樓噚日開張，冇請到明星嚟剪綵，但係就請到黨主席田北俊做嘉賓、「食力簡」新界原居民議會主席簡炳墀，同名廚楊貫一。肥仔張同酒家執行董事胡珠都話，希望自由黨等政黨和社團多多幫襯，不過優惠就免問囉！
原來呢個開張大日子重係肥仔張五十三歲生日，八方祝佢大展鴻圖！
﹙圖﹚張宇人（右）酒樓開張，簡Sir（中）同田少當然畀面出席。
傳真︰2623-9278
電郵︰