若果你計劃喺12月9日前去巴黎、倫敦、法蘭克福、雅典、蘇黎世、尼斯、慕尼黑、羅馬、米蘭、拉爾納卡、杜塞爾多夫、馬爾他、伯明翰或曼徹斯特，又諗住坐阿聯酋航空前往目的地嘅話，恭喜晒！你已經唔使抽獎就即時可以獲得當地一晚免費酒店住宿優惠，而且無論你坐頭等、商務抑或經濟客位，都可以從優惠計劃提供之三至五星級酒店中，揀選一間最適合你行程編排嘅酒店，部分更設於市中心或鄰近機場，至於你想住多幾晚，更有其他折扣優惠，想慳錢又想行開吓散吓心嘅你值得諗諗！
記者：朱維達
查詢電話：25267172（阿聯酋航空票務部）