柯受良（小黑）繼五年前飛越黃河後，今日將駕駛內地吉利橋車在西藏布達拉宮表演飛車。昨日小黑接受本報長途電話訪問時說：「我今日試車都好順利，最難控制係多人圍觀啫。今次會喺海拔三千八百幾呎飛車，個台會高一點八米，長三至四十公尺。好難得可以喺西藏飛，到時全國電視台同電台都會錄播，好大件事㗎！所以我都好興奮。」
小黑續說：「我今次都當係表演，唔係挑戰，最緊要身體冇事。我就冇嘢，但我一個朋友喺西陵揸二千公里車上山嚟搵我，因為海拔太高，好頭痛，最後成個人儍咗，不停撞個頭埋牆，呢個都係高山症嘅症狀，高山症有百幾種唔同嘅反應。」飛完車後，小黑會即時展開由布達拉宮往尼泊爾的賽車行程，全程需時五日。