南韓學生妹唔知係咪放學後冇嘢做，成日去各運動場館或選手村，等候佢哋心目中嘅靚仔運動員出現。
小記前日夜晚十二點由選手村準備離開時，行過保安大閘門口，就見到為數十幾二十人嘅學生妹喺度等人，佢哋有部份重着住校服，咁夜等人，夠竟等邊過呢？經小記喺等的士嘅十分鐘時間觀察，每當有靚仔運動員出入，不論國籍，呢班學生妹都會尖叫，有時重會主動問運動員取簽名，難得有人支持，嗰啲運動成績唔係咁突出嘅型男，當然樂意接受啦。
噚日中國對香港呢場強弱懸殊嘅籃球比賽，由於比賽地點偏遠，加上又係夜波，所以入場嘅除咗兩批「造馬」球迷外，真正買飛入場既觀眾真係少之又少。話雖如此，小記喺場波半場休息同完場後，都見到五、六個着住校服嘅學生妹，全場為香港隊打氣。點解咁特別，知唔係呢班學生妹睇中碩士籃球員、港隊前鋒虞興海，有幾分似南韓明星控球後衞李相敏。所謂冇咗個橙，咪試執番個柑囉。