前日食力簡帶住四千人遊行反雙村長制，八方老友同簡Sir傾開，先知佢一次遊行就用咗幾十萬！除咗租車、整橫額基本使費之外，新界人遊行重有一個傳統──遊行完順便去祭五臟廟。好客嘅新界人，有一次重邀請八方一齊入去元朗食盆菜㖭！
講開又講，簡Sir噚日好畀面去咗張宇人間新酒樓開張，事關張宇人係簡Sir老闆，佢有隻新馬「䯀驥」放咗喺簡Sir馬房，嚟緊星期日第一次出賽，而另一隻馬「䯀駒」今日就跑國慶馬第九場第一班。自由黨另一個馬主田北俊今日都有馬出，佢隻「醒目武士」跑第十場，田少不知幾開心，因為平日跑星期三，佢要開立法會，但係今日去完國慶酒會就可以第一時間入場，唔使趕餐死。
傳真︰2623-9278
電郵︰