房屋協會上個星期公布業績，八方去到見唔到佢哋嘅執行總幹事蘇慶和﹙圖﹚，原來Victor（蘇之洋名）已經冇做，傳聞話佢明日將轉職到新鴻基地產，由於Victor九月二十七日係最後一日返房協，呢幾日請咗假去散心，八方搵唔到佢求證。
轉職去咁大間私人機構，重係做番同房協相關嘅地產工作，真係令人羨慕，恭喜！恭喜！不過，Victor即時過檔到新鴻基，難免惹人話柄，房屋政策評議會副主席梁玉鳳就有啲擔心，怕當中有利益衝突，認為Victor應該申報利益，經過一段「冷靜期」，至去私人機構任職比較合適。
房協發言人就同八方講，佢哋無規定要高層「雪藏」一段時間方可轉職到私人機構。至於Victor個位，今日起會由副總幹事王麗珍署理，暫時未有正式委任。
傳真︰2623-9278
電郵︰