滙豐銀行昨日搞便服日，幫公益金籌款，一如既往，行方都有個主題，今年總行大堂布置成一艘艦船，不少員工都身穿藍白水手裝束，又或者戴埋帽扮船長，不過班管理層如副總經理方兆德、羅伯恩等始終「保持形象」，最多也只是改穿夏威夷T恤而已。
身兼個人理財業務主管的方兆德話，滙豐每年都積極支持公益金便服日，該行更連續九年喺便服日籌得最多善款的機構，料今年善款也會超過一百萬大元。為鼓勵員工熱心行善，行方會採取一對一的刺激機制，即員工每籌得一元善款，滙豐也會捐出一元。
﹙圖﹚方兆德（右二）便服日都唔肯同啲員工一齊扮嘢。
傳真︰2623-9278
電郵︰