現年二十一歲的新人黃榕（Gloria），正與人氣組合Cookies及有「電眼王」稱號的陳冠希（Edison）合演電影《九個女仔一隻鬼》。初次接拍電影的Gloria興奮地說：「我一直都好鍾意Edison㗎，今次有機會同佢合作，梗係開心啦！我成日都會眼定定咁望實唔放㗎。」
而Gloria稍後亦會接拍陳可辛執導的《金雞正傳》，演繹舞小姐角色，她說：「其實我好擔心自己做得唔好，但係我都會參考睇吓其他人嘅演法，盡力做到最好。雖然今次都會有性感演出，但我都唔係太介意，總之出嚟嘅效果靚同健康就OK，我嘅目標係好似安雅咁，因為我覺得佢性感得嚟又靚，如果可以好似佢咁就好啦！」
攝影：仇志中
泳衣提供：頌雅有限公司