雖然萬事得Mazda2（即日版Demio）仍未正式在港推出，但經已由正式推出嘅短短一個月內，累積接到約15,000張定單，較廠方預期嘅多，難怪廠方會因此而感到高興。
而喺呢15,000張新車定單中，以入門嘅Casual型號佔上大多數，跟住就係SPORT同Cozy型號；而用家選擇新款Mazda2嘅原因，係因為佢除咗擁有一個全新兼突出嘅造型之餘，闊落車廂空間及方便易用嘅車廂設備，亦為重點之一。
同時，新車主要吸引對象係一啲單身男女，又或者係年輕夫婦，事關部車個樣夠晒年輕嘛！未知當新車在港正式推出時，能否打敗其他同級對手，而成為銷量冠軍及城中人氣車款呢？