中秋過後，又是大閘蟹大造的季節。今年的大閘蟹質素和價錢跟去年差別不太大。而五両以下的中、細蟹更預計會比去年平百分之十至十二。現在吃大閘蟹，膏較軟滑，蟹肉較清甜，以母蟹的質素較穩定，較易選中靚蟹。後一個月的時間，則還是以公蟹較好食，因為公蟹的蟹膏起白油，味道更香濃，而母蟹的膏則會開始較實。
資料提供：永利公司、成隆行
據賣大閘蟹老字號永利蔡先生估計，今年七、八両以上的大閘蟹數量會較少，現在大蟹剛上市不太久，所以供應和價錢仍算穩定，但在後期時段可能會供不應求，物以罕為貴，到時價錢便可能會更加貴，所以要食大蟹要趁早。雖然大蟹矜貴，但兩間老字號的老闆都認為六両重的中蟹值得推介。事關中蟹價錢較經濟，而質素不俗，無論肉和膏都鮮美。
提到大閘蟹，都會提起陽澄湖。而今年就有大閘蟹公司會推出激光標籤來標示所賣的為正宗陽澄湖大閘蟹，一時間令人有錯覺要有標籤的方為正貨。其實這個只是個別公司推出的品牌證明，而非官方的保證，所以大家買蟹只要認明是有信譽的商舖更實際也更有保障。
而其實除了陽澄湖，江蘇區其他湖泊的大閘蟹質素也佳，而且供應期更長，反而陽澄湖的蟹便是這一個月會有得買。至於湖北、安徽的蟹質素則較遜，大家買蟹時留意產地。
價目表：（只作參考）
3両-4両多約$10-35/隻
5両-6両多約$136-260/斤
7両-8両或以上約$320/斤