梁詠琪（GiGi）昨日出席商台《叱咤903拉闊音樂會》記者會，說到張栢芝公開讚她高貴大方，GiGi說：「我都好安慰，𠵱家我哋都回應嘞，希望傳媒唔好再寫我哋不和啦。最近有好多新聞針對佢，希望佢過到呢一關，好彩佢都睇得開。」
有雜誌指GiGi意外懷孕，而相士蘇民峰也批她若不生BB，會和男友鄭伊健嗌交，GiGi表示已致電伊健，她說：「真係好好笑，好無聊，呢單一定係十大奇聞之一，既然預計到，咁不如幫我預計埋生男定生女，BB有幾多磅，母子係咪平安，我重想知六合彩開幾多號冧巴。我打過電話畀伊健，話佢聽有人踢爆我有咗呢件事，嚇吓佢。」
採訪、攝影：陳梅香