如果大家昨日有留意報章廣告同我哋嘅報道的話，都應該知道靜咗一輪嘅豐田代理，嚟緊將會有新車抵港；亞Mark所指咪係剛啱響日本全線Facelifted嘅新版Corolla囉！呢一代Corolla都可算係近年豐田嘅代表作，除銷量突出之餘，車迷心目中嘅認同性及追捧程度，更超越一眾同級車款㖭！亞Mark聞得經已有部份新版Corolla抵港，代理正準備響下個月中之前正式推出咁話。
據知，新款Corolla除咗鬼面罩、霧燈等會換上全新設計，以及加大至15吋合金胎軨配搭外，車廂嘅鋪排亦有所改動，惟車價方面則好似話依舊不變；究竟係咪咁正呢？大家就不妨拭目以待喇！然而好事成雙，亞Mark聽聞今趟豐田代理，唔單止有新版Corolla面世咁話，或許喺嚟緊嘅10月10日前後，重會有新驚喜畀大家都唔定㗎！