余文樂昨日到沙田新城市廣場出席「加州紅全面收購余文樂簽名會」時，因擔心一位女歌迷的病情而在台上感觸哽咽，流下男兒淚，令台下三百名歌迷頻叫：「唔好喊呀！」而有歌迷更陪偶像一齊喊，場面感人。
今次是余文樂為其個人大碟作首個簽名會，吸引了三百歌迷排隊攞簽名，其中有歌迷由早上九時已開始排隊，足足排了六小時。而余文樂亦坦言很開心大碟有好反應，不過當他在台上表示近日有一位歌迷有病纏身，但他卻未能給予幫助時，即忍不住眼濕濕。
事後余文樂談到患病歌迷時亦再度流淚，他說：「我大前日先知佢有病，佢今日都有嚟我簽名會，但係我唔想講佢有乜病，佢得十幾歲咋，我無嘢可以幫到佢，自己都覺得好無奈。」