香港講環保，其中一樣就係點保護啲百年老樹。一向好緊張環保嘅民建聯立法會議員蔡素玉話呢件事好頭痕，因為全港嘅樹木原來棵棵都有唔同嘅話事人。
唔講唔知，郊野公園嘅樹，𠵱家係由衞生福利及食物局屬下嘅漁農自然護理署管理；市區嘅樹，凡位於馬路旁五呎範圍之內，歸民政事務局負責；五呎以外呢？連蔡素玉都講唔清。
就算知道邊個話事，𠵱家個個問責局長忙到四腳朝天，楊永強同廖秀冬都坦白話，唔得閒理啲樹。八方聽聞冬冬諗到條橋，就係搵何志平搞掂啲老樹，難得何志平又一口應承，終於有局長肯孭上身，睇嚟玉姐可以鬆一口氣。
傳真︰2623-9278
電郵︰