民主黨議員鄭家富噚日去咗南韓，想見吓幫地鐵生產新列車嘅廠家，了解吓啲車到底有乜問題，阿富此行有一番奇妙經歷。話說一開始佢打電話去，韓國車廠人員好鬼緊張，猛問阿富係咪記者，又話要香港地鐵唔反對，先可以接待佢。地鐵公司又點敢請阿富食檸檬？約好在韓國見面嘅時間之後，阿富都未飛，對方已有位高層飛咗嚟香港。原本呢位高層都有約阿富喺香港食餐飯，但最後縮沙。阿富喺電話問佢，唔見面，到時去到南韓點認得我呢？點知嗰位高層竟然話，我已經搜集晒你嘅資料，你係瘦瘦削削戴眼鏡㗎嘛！
傳真︰2623-9278
電郵︰