教育統籌局局長李國章近日接受三位中七學生訪問，罕有地大爆私隱，其中一件就係佢位大公子細嗰時嘅蠱惑嘢。話說李大公子約四歲時，有一日好鬼曳曳，激到媽咪警告佢話，等爸爸返屋企就打佢。為咗唔俾爸爸打，蠱惑大公子就諗到條「賣口乖」絕橋。
嗰日佢耐心喺屋企等李局長回家，門鐘一響，佢即刻走去開門，跟住講咗句好冧李局長嘅話，就係「爸爸我好愛你」。李局長話，聽個仔咁講，成個人都冧晒，李太跟住點投訴個仔都唔理囉，重點打得落手，李大公子咁醒，真係虎父無犬子！
李局長嘅訪問詳情，今日會上載到香港教育城網站，想聽佢孩童時嘅趣事同正經大事，不妨去睇睇，網址係
（圖）李國章嘅官方漫畫造型
傳真︰2623-9278
電郵︰