簡炳墀噚日帶領幾千個原居民迫爆政府總部，同原本申請話只有五百個代表相差成十倍。
警方可能會告上法庭，簡Sir驚唔驚？簡Sir牙擦本色不改，回應：「多餘！你知唔知我個仔係大律師！」八方先想起佢二仔簡永輝係大律師，幫簡Sir做主席嘅「原居民議會」做法律顧問。不過八方仍然為簡Sir擔心，因為佢哋呢次擺明車馬唔承認政府訂下嘅「雙村長制」，要另起爐灶自己選村長，咁算唔算干犯《基本法》二十三條諮詢文件提到，會構成分裂國家罪嘅「抗拒政府行使主權」？更有人話通過雙村長制「一定流血！」咁又算唔算「煽惑他人使用暴力」？不過簡Sir有個仔做大律師咁叻，一定乜都打得甩。
（圖）警察哥哥「警告」簡sir嘅時候都笑笑口，好似幾好禮貌。
傳真︰2623-9278
電郵︰