蒙嘉慧樣子清秀，應該有很多追求者，但她一直遠離緋聞，絕少看到她與圈中男藝人的花邊新聞，難道她真的是緋聞絕緣體？蒙嘉慧說：「我從來都唔當自己係靚女，加上同我一熟絡嘅男仔就會變成好兄弟，好似林保怡就係其中一個。」
蒙嘉慧承認與現任男友Marcus感情穩定，但她再三強調不想將男友掛在口邊，因為二人的感情與事業並無關係，蒙嘉慧亦拒絕選擇圈中人做男友，她說：「因為同圈中人拍拖會好辛苦，會俾人將我哋兩個嘅事公開嚟講，唔揀圈中人就冇咁多嘢聽，耳根清淨啲。」
蒙嘉慧又否認與男友遷入北角新居，並指該單位是她辛苦工作賺回來的報酬，她說：「嗰層樓係我事業送畀我嘅贈品，大家唔好亂諗。」問到蒙嘉慧可有想過結婚？她即深有感觸地說：「我冇諗過要幾時結婚，在感情方面好矛盾，介乎信與唔信之間，要搵到一個真正適合嘅人係好難。」