噚日八方講到廉記執行處新一哥李銘澤嘅威水史，佢曾經查過程介南單以權謀私案，而講開阿程，佢喺上年十二月被判刑一年半，𠵱家唔經唔覺已經坐咗大半年。八方聽聞，因為佢喺獄中表現良好，扣埋假期，可能喺今年十二月出獄，同愛人歡度聖誕。
近來聽民建聯嘅老友講起，佢哋最近已經準備幫阿程搵工，不過暫時唔會請佢做黨內職員，而佢嘅黨籍問題，要睇埋佢係咪會上訴，上訴結果係點先決定。
其實民建聯入面有唔少人都算有情有義，阿程判罪後，有人幫佢供車供樓，𠵱家又幫佢搵埋工，都算夠晒兄弟。
（圖）去年十二月入獄的程介南可能會提前出獄。
傳真︰2623-9278
電郵︰