王晶電影公司旗下藝人王嘉熒（Gobby），繼拍攝電影《偷窺無罪》後，最近與顏仟汶及李燦森合演的新片《血胎換骨》亦即將上映，片中Gobby扮演性感女鬼。
Gobby三年前出道時在有線擔任成人節目主持，對此她毫不介意地說：「其實我唔介意性感，我覺得要趁後生、有本錢嘅時候留下最美嘅回憶，等老咗之後可以睇番。」
雖然Gobby現年只得二十一歲，但她卻曾遇過多次被非禮的不快經歷，Gobby昨日說：「記得我五歲時坐巴士，媽咪同妹妹一齊坐前面，我一個人坐後面，而坐喺我側邊個叔叔就摸我下體，但我一直都唔知佢係非禮緊我，直至十八歲睇電視先知道呢啲叫做非禮。我好後悔冇同我媽咪講，所以我覺得性教育係好重要嘅，到𠵱家我無論坐巴士同地鐵都會好驚。」
攝影：仇志中