昨日有內地消息指張栢芝原定與古天樂一起出席前晚在上海舉行的電影《我家有一隻河東獅》宣傳，但張栢芝卻臨時缺席。有傳栢芝因男友謝霆鋒被控串謀妨礙司法公正案將於本周三宣判，所以她想花多些時間陪伴霆鋒，故不願出埠。
栢芝經理人中國星公司發言人李小姐昨就此回應說：「栢芝唔去上海同霆鋒完全冇關，佢因為剝咗隻牙發燒，所以去唔到上海。而且之前佢都冇落實話一定會去，係內地方面以為佢一定會去，所以有誤會啫！呢幾日栢芝會喺屋企休息，而一號喺奧海城嘅電影宣傳栢芝就預定會出席。」
此外，楊千嬅前晚往尖沙嘴，為「東華慈善時裝表演晚會」義演。近日有報道指千嬅因不滿張栢芝當年介入她與舊愛鄭中基的戀情，所以早前雖然看過九龍塘又一村的獨立洋房，但最終卻沒有買下，因她不想與張栢芝做鄰居。千嬅前晚說：「我都冇睇過又一村，我都唔鍾意嗰一區。」
而蘇永康前晚到無綫電視城錄影「《超級紅人館》──迷唱蘇永康」，適逢當日是康仔的舊曆生日兼結婚三周年紀念。康仔表示他早前到新加坡時曾往拜神，更為霆鋒求籤，康仔說：「總之我同佢求咗一支好好嘅籤啦！」