警察公共關係科（PPRB）總警司鄧厚江噚日上電台節目，主持人話佢阿哥係警隊嘅助理處長鄧厚昇，兩兄弟都做警隊，但家姐早年就喺廉政公署做過，問佢嗰時警、廉關係相對敏感，屋企人之間會唔會有尷尬。鄧sir就話，大家都係執法部門，都係為香港社會服務，唔會覺得特別尷尬。
據八方所知，鄧sir家姐好多年前曾做過廉署社區關係處，唔係查案嘅執行處。主持人提到鄧sir後生時備受十二指腸出血困擾，鄧sir話曾經試過五次入院接受輸血，又一直唔知病因，結果搞咗十幾年先根治。不過，鄧sir為人樂觀，當時嘅病痛無令佢意志消沉，佢反而覺得自己好好彩，因為可以生喺香港，醫療設備服務相對先進，如果生喺非洲嘅落後國家就慘。
傳真︰2623-9278
電郵︰