平日喺立法會見到阿Fred（李華明），佢畀人印象唔單止口才了得，而且大大隻隻，鬼咁健壯，但係原來三十年前阿Fred讀緊中五時，佢身材瘦削，而且重好怕醜。
阿Fred噚日朝早去咗一個「跳出待學待業新思維研討會」，為雙失青少年打氣，阿Fred不惜自爆「陳年瘀事」。佢話：「我三十年前讀中學時，成績勉勉強強，係老師實唔記得嗰類學生，而且自信心唔夠，甚至有啲自閉，身體又差，少運動，身材瘦削兼生蟲㖭！」
令到阿Fred有今時今日咁威風，原來係一支結他，佢話全靠當年做義工，跟啲學兄學彈結他識女仔，學學吓重上台表演，攞埋獎，呢個轉捩點令阿Fred啲自信出晒嚟。佢勸時下青年要認清自己，唔好戴有色眼鏡睇人！
（圖左）李華明自爆自己細個時生蟲。
傳真︰2623-9278
電郵︰