加拿大《環球郵報》選出全球十大最grand嘅酒店，我哋香港嘅半島酒店榜上有名，排行第五。文章介紹半島，話三十年代佢係世界上蘇彝士以東最正嘅酒店，就算今日都可以咁講，又形容佢雖然喺九四年加建咗座三十層高嘅龐然巨物，但仍保留住殖民地嘅魅力，同細緻嘅服務。
至於排行第一嘅係最近先翻新完嘅倫敦Claridge’s，嗰度嘅室內裝修採用裝飾藝術（art-deco）風格，客房個浴缸大到可以開池邊派對。
個作者話，雖然近年有唔少新潮時髦嘅新酒店落成，但老酒店靠精緻嘅氣質同追求完美嘅態度，仍吸引到一啲識貨嘅旅客。
傳真︰2623-9278
電郵︰