九鐵行政總裁楊啟彥自從俾九鐵主席田北辰「明寸」，話雙方唔係好朋友之後，低調咗一排，噚日亮相立法會，解釋新鐵路計劃，主持會議嘅劉健儀議員一時口快嗌錯楊官做「楊主席」，楊官即時大笑三聲。
之後開記者會，原本氣氛好融洽，九鐵重請記者食三文治，點知九鐵嘅馬鞍山鐵路工程唔生性塌橋，於是有記者即場問楊官係咪九鐵監工唔掂，楊官即時有啲勞氣咁話：「九鐵工程安全全港一流，西鐵咁耐都係死咗一個工人，唔該唔好一宗意外就釘死九鐵冇資格做大型工程。」個公關見勢色唔對，即刻宣布記者會結束。
傳真︰2623-9278
電郵︰