英皇新人、資深大律師清洪的契仔周英杰昨日凌晨現身機場，返英國修讀最後一年的法律課程，未見fans前來送機。他表示不想再浪費時間，靜悄悄搭夜機離開香港、離開娛樂圈，有傳他已託契爺清洪向楊受成提出解約。
周英杰加盟英皇接近一年，年初英皇曾為他派歌上台，可惜其唱片雖已做好，卻出碟無期。早前更有傳英皇雪藏他，而富豪風水師陳伯更指他不適合在娛樂圈發展。
而本身修讀法律、二十六歲的周英杰眼見歌星路途一片黯淡，不欲蹉跎歲月，決趁早「斬纜」，昨日凌晨乘夜機離港赴英國修讀最後一年的法律課程。據悉周英杰去年與英皇簽下十年長約，他的契爺清洪近日出面，向楊受成提出解約。
雖然合約問題仍未解決，但周英杰為趕開學，早前已退租跑馬地蟠龍苑的寓所，前晚帶同六箱行李，低調地出發赴英，由於他事前未有通知朋友和fans，故只得經理人Kitty及港台DJKawaii等幾位好友送機。
周英杰臨走前忍不住眼紅紅，但他仍滿有自信地說：「我讀埋今年就畢業，之後就可以實習做律師，其實舊年我簽約時同公司講咗，會喺年中返英國讀書，𠵱家嗰邊已經開咗學一個月，我十二月都會返嚟出席我朋友嘅婚禮。」他又表示與英皇的關係良好。
周英杰稱早前已寄了八箱行李往英國，有如搬屋一樣，他笑說：「我喺嗰邊會做番個窮書生，一日使百零蚊港幣好啦，我嗰邊嘅屋企重裝修緊，所以暫時冇屋住，下個禮拜一我就正式返學。」
採訪、攝影：朱芷瑩