陳淑蘭前晚與男友拍拖到會展看《我家有一隻河東獅》首映，大會贊助商更準備排毒瘦身產品送贈給入場嘉賓，蘭子得悉後盡顯其貪小便宜本色。
只見蘭子緊張地拖着男友，穿過人群去拿贈品，並開心地說：「有嘢攞呀。」她拿了兩袋禮品，然後向服務人員說：「畀多兩盒我，我重有兩個朋友呀。」隨即向其友人說：「快啲過嚟呀，有嘢攞呀。」後來蘭子還將自己兩袋贈品包成一袋，然後將空紙袋交還予服務員，並說：「畀番個袋你，費事話我貪心呀。」
另外，同樣有到會展看首映的羅守耀，提到與章小蕙的錢債官司，有傳裕泰興要將章小蕙欠債數目重新計算，羅守耀說：「冇咁嘅事，法官話單case唔可以用簡易程序去判，因為話對方有權申辯，𠵱家有關官司嘅事唔方便講，你哋有嘢問章小蕙啦，對佢有好處嘅佢就會講，冇好處先唔講，總之我尊重法律。」