上星期六中秋節嗰晚，翡翠台播出嘅《警訊》介紹警隊精英隊伍G4要人保護組，之前做足宣傳，話今次首度披露呢個低調單位嘅訓練同工作情況。結果成為嗰晚翡翠台晚上黃金時段（即係夜晚七點至十點），收視最高嘅節目，有成十五點，比曾志偉主持嘅《獎門人》節目高一點，有成九十七萬五千個觀眾收睇。
雖然十五點唔算好高，但以中秋節咁多人出外賞月嚟計，都唔錯啦。八方都有睇，兩個節目主持人包括前新聞之花黃德如，都由高大威猛嘅要人保護組人員傍住，着晒晚裝咁喺禮賓府行出嚟，又上防彈車介紹內裏乾坤，真係幾有新意。
傳真︰2623-9278
電郵︰