港區政協委員盧文端喺今年3月政協會議上講，應該要畀深圳戶籍市民七天免簽證去香港，有助粵港兩地經濟合作，《蘋果》當時亦報道過呢單消息。八方噚日收到消息，盧政協啱啱接獲政協大會通知，佢呢個建議獲選為本屆政協會議中嘅優秀提案，重請佢喺十月二十二日去北京出席有關嘅表彰會。
盧政協同八方講，根據歷屆獲選為優秀提案嘅建議，都會獲中央採納實行，因此佢嘅建議亦好大機會落實。八方都希望盧政協如願以償，今日先祝賀佢攞到呢個榮譽。
（圖）盧文端話要畀深圳戶籍市民七天免簽證去香港，獲選為政協優秀提案。
傳真︰2623-9278
電郵︰