賭王何鴻燊噚日去完金鐘港麗酒店舉行嘅工商界慶祝國慶酒會，臨走時忽然回頭，從口袋攞出一張「大牛」畀身邊嘅保鑣，細聲講咗一句。保鑣於是去酒店門房處，要求將五百蚊紙換成五張一百元紙。由於該門房處並非收錢地方，梗係冇預備散紙，結果職員要喺自已銀包搵五張「紅衫魚」畀保鑣，保鑣再將錢交畀賭王。賭王跟住行出門口，將兩張百元鈔畀幫佢開車門嘅白衣看門人，八方才明白原委──賭王冇散紙畀貼士。由此看來，年逾八十嘅賭王頭腦相當精明。
（圖）何鴻燊（右）喺酒店門房處等保鑣（右二）換散紙。 程志遠攝
傳真︰2623-9278
電郵︰