我Apple姐成日睇報紙，發覺啲藝人拍拖真係要好避忌，一時話分手，一時又話復合，轉頭又話只係兄妹關係、從來冇拍過拖，搞到啲讀者覺得佢哋啲關係好撲朔迷離。 保持距離 我都好明白啲藝人要私隱同埋怕影響形象，所以拍拖都要低調啲。我有個世姪女上星期喺中環雲咸街，遇見方子璇同個男性朋友行街，嗰個男仔早排都同方子璇去過戲院睇戲，當時俾記者撞破，個男仔重即時彈開。 方子璇同男友行街時保持距離，連講嘢都隔住幾個人嘅距離，真係幾搞笑㗎。