今日介紹一道天下無雙嘅家鄉菜畀大家知。相傳喺六十年前，揚州人莫有賡走到十里洋場嘅上海做廚師，深受滬菜清淡嘅味道所感動，決定將呢種元素注入家鄉嘅揚州菜裏面，烹調出富有上海特色嘅淮揚菜，名頭由民國威到中共時代。
一九四九年中共立國，莫有賡搵埋兩個細佬，喺前任國家副主席榮毅仁嘅建議下，開咗間「私房菜」，每日六圍，專門服務工商巨賈，「莫家菜」從此名噪全國，三兄弟其後更創立揚州飯店。
未享用過松仁魚米、百粒蝦球等等招牌菜嘅唔使灰心沮喪，一九七二年進駐上海揚州飯店嘅中國名廚李耀雲已經答應咗喺下個月嚟香港，公開示範廚藝。八方等得好辛苦，打算整番碟揚州炒飯頂住癮先。
傳真︰2623-9278
電郵︰