四十八歲的癸叔，早前獲調配公屋，卻因為經濟緊絀，家徒四壁，連床也欠奉，每晚只能席地而睡。「晚晚打地鋪，瞓到腰骨都痛，近日天氣開始轉涼，瞓喺地好凍。」行動不便的癸叔對記者說。
記者眼前的癸叔，除了因為小兒麻痹症令雙腳扭曲變形有點異相外，一身長滿大大小小的纖維瘤亦相當嚇人，怪異的外形令他的路比別人難行。「一出世我對腳就係咁，變晒形，最慘唔知點解，十幾歲開始，由頭到腳都生滿纖維瘤，雖然唔痕唔痛，唔會死人，但好恐怖，啲人一見到我就走，當我怪物咁。」
多年來也找不到工作，每月只能靠二千四百餘元的綜援金維生。「唔係我唔想做，而係人哋見到我咁嘅身世，根本冇人會請我。」
獲調遷的癸叔，無法添置家具。記者所見，癸叔的家，除了一枱一凳、一個破舊衣櫃和一張地席外，便甚麼都沒有。「我份綜援，扣咗八百蚊租，得番千幾蚊，重邊有錢買嘢吖，枱凳、衣櫃都係執番嚟嘅。」孤苦無依的癸叔，刻下最渴望獲贈一張睡床，另亦希望添置一些基本家具如電視、雪櫃、煮食爐等，盼善長伸出援手。
捐款編號：C0701
暖流熱線
電話：29908688
傳真：23702192
電郵：
網址：